عمران خان کا بھٹواور بےنظیر کی آبائی نشستوں پر الیکشن لڑنے کا فیصلہ
اسلام آباد/ کراچی (آن لائن) پاکستان تحریک انصاف کے سربراہ عمران خان نے پیپلز پارٹی کے بانی ذوالفقار علی بھٹو اور شہید بے نظیر بھٹو کی آبائی نشست پر آئندہ انتخابات لڑنے کا فیصلہ کرلیا اور اس مقصد کےلئے لاڑکانہ میں پارٹی رہنماﺅں کی ڈیوٹیاں لگا دی ہیں۔ ذرائع نے آن لائن کو بتایا کہ سندھ میں ذوالفقار علی بھٹو اور شہید بے نظیر بھٹو کا آبائی حلقہ انتخاب این اے 207 نوڈیرو سے تحریک انصاف کے سربراہ عمران خان نے الیکشن لڑنے کا فیصلہ کرلیا ہے ۔ ذرائع نے مزید بتایا کہ نوڈیرو میں مخدوم شاہ محمود قریشی کے مرید ہیں اور ممتاز بھٹو بھی ان کی بھرپور حمایت کرینگے۔
عمران خان/الیکشن
