راولپنڈی: بم کی اطلاع پر علاقہ سیل، تلاشی کے بعد کلیئر قرار دیدیا گیا، مشتبہ شخص گرفتار
راولپنڈی (آئی این پی) صادق آباد چوک پر بم نصب ہونے کی اطلاع پر پولیس نے علاقے کو سیل کرکے بم ڈسپوزل سکواڈ طلب کرلیا جبکہ ایک مشتبہ شخص کو بھی گرفتار کرلیا گیا ہے۔ بم ڈسپوزل سکواڈ نے تلاشی کے بعد علاقے کو کلیئر قرار دیدیا۔ سی پی او راولپنڈی ہمایوں بشیر تارڑ کے مطابق موقع سے ایک مشتبہ شخص کو بھی حراست میں لیا ہے۔
