کراچی ائرپورٹ سے 5 نایاب عقاب دبئی سمگل کرنے کی کوشش ناکام‘ مسافر گرفتار
کراچی (آئی این پی) جناح انٹرنیشنل ائرپورٹ پر کسٹم حکام نے نایاب نسل سے تعلق رکھنے والے 5 عقاب بیرون ملک سمگل کرنے کی کوشش ناکام بنادی۔ تفصیلات کے مطابق ایک پاکستانی شہری نے سامان میں چھپا کر پرندوں کو ایک غیر ملکی پرواز کے ذریعے بیرون ملک لے جانے کی کوشش کی مگر کسٹم حکام نے کامیابی سے اس کی کوشش کو ناکام کردیا جبکہ مسافر کو ائرپورٹ حکام نے گرفتار کرلیا۔
