مقبوضہ بیت المقدس (بی بی سی + اے ایف پی) اسرائیلی حکومت نے مشرقی بیت المقدس میں کریک ڈاؤن کاحکم دیدیا اور فلسطینیوں کے گھروں کو مسمار کرنے کا سلسلہ شروع کردیا۔ اسرائیلی وزیرِاعظم بنیامن نیتن یاہو نے یروشلم میں یہودیوں کی ایک عبادت گاہ پر حملے کے بعد’’یروشلم کی جنگ‘‘ جیتنے کے عزم کا اظہار کرتے ہوئے کہا ہے کہ جو لوگ ہمیں ہماری ریاست سے اکھاڑنا چاہتے ہیں کامیاب نہیں ہوں گے۔ اسرائیل کے وزیراعظم نیتن یاہو نے یہودی عبادت گاہ پر حملہ کرنیوالوں اور دیگر حملوں میں ملوث فلسطینیوں کے گھر مسمار کرنے کا حکم جاری کردیا۔