لاہور(سپورٹس رپورٹر) پاکستان کرکٹ بورڈ کے زیراہتمام جاری ہائر قائداعظم ٹرافی گولڈ کے ساتویں مرحلہ میں پشاور پینتھرز نے بھی لاہور لائنز کو بری شکست سے دوچار کر دیا۔ قذافی سٹیڈیم میں کھیلے جانے والے میچ کا فیصلہ تیسرے روزہو گیا جس میں پشاور کی ٹیم نے 9 وکٹوں سے کامیابی اپنے نام کی۔پشاور پینتھرز کی ٹیم نے پہلی اننگز 325 رنز 9 کھلاڑی آؤٹ سے شروع کی۔ لاہور لائنز کے خلاف اپنی برتری کو 124 رنز تک پہنچا کر پوری ٹیم 345 کے سکور پر آؤٹ ہو گئی۔ لاہور لائنز کی ٹیم 166 پر ڈھیر ہو گئی۔ تاج ولی نے پانچ کھلاڑیوں کو پویلین کی راہ دکھائی۔ پشاور کی ٹیم کو جیت کے لئے 43 رنز کا ہدف ملا جو اس نے ایک وکٹ پر 45 رنز بنا کر میچ 9 وکٹوں سے جیت کر تین قیمتی پوائنٹس اپنے نام کئے۔