لاہور: لاکھوں کے ڈاکے، فیروزوالا میں مزاحمت پر خواتین اور راہگیروں پر تشدد
لاہور+ کاہنہ+ فیروزوالا (سٹاف رپورٹر+ نامہ نگاران) لاہور میں ڈاکوئوں اور چوروں نے شہریوں کو لاکھوں روپے کی نقدی زیورات اور دیگر قیمتی اشیاء سے محروم کر دیا معلوم ہوا ہے۔ کاہنہ میں شہریوں نے ڈاکو پکڑ لیا، فیروزوالا میں مزاحمت پر خواتین اور راہگیروں پر تشدد کیا۔ چوہنگ محافظ ٹائون میں شفقت کے اہل خانہ کو یر غمال بنا کر ڈاکو 11لاکھ کی نقدی، زیورات اور دیگر قیمتی اشیاء لوٹ کر فرار ہو گئے۔ ہنجروال مرغزار کالونی کے حیات اللہ کے گھر سے ایک عورت اور دو ڈاکو گھر سے ایک لاکھ 90ہزار، شالیمار مین بازار بو گیوال کے رہائشی خالد کے گھر سے ایک لاکھ 40ہزار اور دیگر قیمتی سامان لوٹ کر فرار ہو گئے۔ اسلام پورہ ٹی این ٹی کوارٹرز کے سامنے مصطفی سے ایک لاکھ 40ہزار، اقبال ٹائون سکیم موڑ پر قربان سے ایک لاکھ ، نواب ٹائون میں ڈاکوئوں نے نیاز سے 1لاکھ 50ہزار روپے مالیت کی نقدی و موبائل، اسلام پورہ میں نوید سے 1لاکھ 20ہزار، جنوبی چھائونی میں ڈاکوئوں نے عدنان سے 30ہزار، مغل پورہ میں ہاشم سے 23ہزار،نواب ٹائون میں ڈاکوئوں نے امجد سے 75ہزار، ستو کتلہ میں عدنان اور اس کی فیملی سے 30ہزار، نشتر کالونی میںعابد سے 80ہزار، غالب مارکیٹ میں انجم سے 85ہزار اور ماڈل ٹائون میں فا روق سے 45ہزار روپے کی نقدی و موبائل وغیرہ لوٹ لیا گیا۔ ریس کورس میں فرح، اقبال ٹائون میں بلال، ستو کتلہ میں امجد، مصطفی ٹائون میں عاشر کی گاڑیاں جبکہ گجرپورہ میں ندیم ،شاہدرہ میں نعیم ،شاد باغ میں قاسم ، مصری شاہ میںسرفراز،فیکٹری ایریا میں یوسف ،جنوبی چھائونی میںعمران ، ڈیفنس بی میں وقاص ،باغبانپورہ میں وسیم ، پرانی انارکلی میں اشرف اور کوٹ لکھپت میں شہباز کی موٹر سائیکلیں چوری کر لی گئیں۔کاہنہ میں دوران ڈکیتی شہریوں نے ڈاکوکی چھترول کے بعد پولیس کے حوالے کر دیا۔ مقامی پولیس دیر سے پہنچی۔ تھانہ کاہنہ کا علاقہ کاچھا روڈ دھوپ سڑی پر واقع حمزہ کسٹمر سنٹر پر دن دیہاڑے موٹر سائیکل پر سوار دو ڈاکو دکان کے اندر داخل ہوگئے، دکان کے مالک شعیب کو یرغمال بنا کر لوٹنے کی کوشش کی تو مزاحمت پر ڈاکوئوں نے سیدھی فائرنگ شروع کردی۔ فائرنگ کی آواز سن کر اہل علاقہ اکٹھے ہو گئے تو ڈاکوئوں نے موٹر سائیکل چھوڑ کر فرار ہونے کی کوشش کی تو اہل علاقہ نے سجاد نامی ڈاکو کو پکڑ لیا، ساتھی ڈاکو فرار ہو گیا۔ ا ہل علاقہ کے مطابق ایمرجنسی کال اور مقامی تھانے کے فون نمبر کال کرنے کے باوجود موقع واردات پر نہیں پہنچی۔ لوگوں ڈاکو کو پکڑ کر تھانے لاکر پولیس کے حوالے کر دیا۔ فیروزوالا میں جی ٹی روڈ، کوٹ عبدالمالک اور سٹی اے ڈویژن کے علاقے میں ڈکیتی کی وارداتوں میں ڈاکوئوں نے مزاحمت پر عورتوں اور راہگیروں پر تشدد کیا، لاکھوں روپے لوٹ کر لے گئے۔ جی ٹی روڈ پر مریدکے کے قریب کار سوار ڈاکوئوں نے گن پوائنٹ پر زمیندار مشتاق کو جان سے مار دینے کی دھمکی دے کر ٹریکٹر ٹرالی اور نقدی چھین کر لے گئے، ڈاکوئوں نے حبیب کے گھر میں گھس کر ایک لاکھ روپے کی رقم اور زیورات لوٹ لئے۔ ڈاکوئوں نے خواتین پر تشدد کیا، ڈاکوئوں نے زمیندار رفاقت علی کو جان سے مار دینے کی دھمکی دیکر لاکھوں روپے کے بکرے چھین لئے۔ ڈاکوئوں نے اشفاق سے دو لاکھ روپے چھین لئے۔ راہگیروں سے لوٹ مار کرنے کے بعد انہیں تشدد کا نشانہ بنایا۔ مریدکے میں عرفان امتیاز اور شاہدرہ میں اسلم کی موٹر سائیکل گھروں کے باہر سے چوری ہو گئیں۔
