کراچی ائر پورٹ پر پی آئی اے کا طیارہ آگ لگنے سے بچ گیا
کراچی (آن لائن ) کراچی ائر پورٹ پر پی آئی اے کا طیارہ آگ سے بال بال بچ گیا۔ فائر فائٹرز نے آگ پر قابو پا لیا۔ ذرائع ابلا غ کے مطابق کراچی ائر پورٹ پر پی آئی اے کا طیارہ آگ سے بال بال بچ گیا۔ اس حوالے سے ذرائع نے بتایا کہ طیارے کو ٹرمینل بلڈنگ تک لانے والے ٹگ ماسٹر میں اچانک آگ بھڑک اٹھی جس کی وجہ سے طیارے کو نقصان ہوا ۔ ائرپورٹ پر فائر فائٹر کی گاڑیاں انتہائی تاخیر سے پہنچیں جس کی وجہ سے آگ شدت اختیار کر گئی تاہم حالات سنگین ہونے سے قبل ہی آگ بجھا دی گئی ۔ پی آئی اے انتظامیہ نے واقعے کی تحقیقات کا آغاز کر دیا ہے۔
طیارہ/بچ گیا
