لاہور(سپورٹس رپورٹر) پنجاب یونیورسٹی لاء کالج کی طالبات نے تاریخ میں پہلی بار انٹر کالجیٹ گرلز کراٹے چیمپئن شپ میں حصہ لیا اور ایل ایل بی پارٹ تھری کی طالبہ مدیحہ حسین نے طلائی تمغہ بھی جیت لیا۔چیمپئن شپ میں پنجاب یونیورسٹی سے الحاق شدہ کالجز کی طالبات نے شرکت کی۔ پنجاب یونیورسٹی لاء کالج ایل ایل بی (آنرز) کی طالبہ نورآصفیہ انجری کے باعث فائنل میں حصہ نہ لے سکی اور سلور میڈل حاصل کیا۔ ڈین فیکلٹی آف لاء اور پرنسپل لاء کالج پروفیسرڈاکٹر شازیہ نورین قریشی نے میڈل جیتنے والی طالبات کو مبارکباد پیش کی۔