ملتان ( خبر نگار خصوصی) تھانہ مظفر آباد کے علاقہ ٹھٹھی والا میں گھریلو تنازع پر سوتیلے باپ نے فائرنگ کر کے بیٹے اور بیوی کو قتل کر دیا جبکہ 3 بچے شدید زخمی ہو گئے۔ بتایا گیا ہے کہ چند سال قبل سوبیہ نے ملزم اعجاز سے دوسری شادی کی تھی اور دونوں میاں بیوی کے درمیان اکثر جھگڑا رہتا تھا جس پر سوبیہ چند روز قبل روٹھ کر اپنے بیٹوں کے پاس آ گئی اور ملزم نے وہاں آ کر طیش میں آ کر فائرنگ کر دی جس کے نتیجہ میں اس کا سوتیلا بیٹا طارق اور بیوی سوبیہ موقع پر ہی دم توڑ گئی جبکہ فائرنگ سے ملزم اعجاز کے سوتیلے بیٹے 31 سالہ سجاد‘ رضوان اور 17 سالہ بیٹی نادیہ شدید زخمی ہو گئیں جنہیں تشویشناک حالت میں نشتر ہسپتال منتقل کر دیا گیا۔ معلوم ہوا ہے کہ ملزم سوتیلی بیٹی پر بری نظر رکھتا تھا پولیس نے ملزم کو گرفتار کرکے مقدمہ درج کر لیا۔