لاہور (نمائندہ سپورٹس) بھارت کے شہر بھویانیشور میں کھیلی جانیوالی چیمپئنز ٹرافی کیلئے قومی ہاکی ٹیم کا اعلان کر دیا گیا ہے۔ محمد عمران کو کپتان برقرار رکھا گیا ہے۔ دیگر کھلاڑیوں میں محمد دلبر، علی شان، وقاص شریف، شفقت رسول، ارسلان قادر، عمر بھٹہ، عمران بٹ، امجد علی، محمد عرفان، کاشف علی، عماد بٹ، محمد توثیق، راشد محمود، رضوان جونیئر، تصور عباس اور زوہیب اشرف کو بھی ٹیم کا حصہ بنایا گیا ہے۔ ٹورنامنٹ 6 سے 14 دسمبر تک جاری رہے گا۔ ایونٹ میں شرکت کیلئے 2 دسمبر کو قومی ٹیم واہگہ کے ذریعے بھارت روانہ ہو گی۔