لاہور+ فیروزوالا+ گوجرانوالہ (سٹاف رپورٹر+ نامہ نگار+ نمائندہ خصوصی) لاہور میں ڈکیتی و چوری کی متعدد وارداتوں میں شہریوں کو لاکھوں روپے نقدی، زیورات اور دیگر قیمتی سامان سے محروم کردیا گیا۔ ڈاکوﺅں نے باغبانپورہ انگوری سکیم میں طارق کے اہل خانہ کو یرغمال بنا کر 11 لاکھ 35 ہزار روپے، زیورات، جنوبی چھاﺅنی مانانوالہ میں عمر کے گھر سے 8 لاکھ 50 ہزار، نواب ٹاﺅن کیو بلاک کے رہائشی نفیس کے گھر سے 6 لاکھ ،جنوبی چھاﺅنی کیولری گراﺅنڈ کے منصور گھر سے 6 لاکھ، جوہر ٹاﺅن ٹکا چوک محمد خالد کے گھر سے 5 لاکھ روپے، زیورات، مناواں علاقہ میں نصیب اور اس کی فیملی سے 1 لاکھ 68 ہزار، اقبال ٹاﺅن جہانزیب بلاک میں نوید سے 20 ہزار، گلشن راوی شہنائی شادی ہال کے سامنے عمران سے 48 ہزار، غالب مارکیٹ میں عمران سے 34 ہزار، ٹاﺅن شپ سہاگ شادی ہال کے باہر عزادار سے 80 ہزار، ڈیفنس میں جعفر سے 70 ہزار، اقبال ٹاﺅن میں اشفاق سے 45 ہزاراور دیگر قیمتی سامان لوٹ لیا گیا۔ مغلپورہ سے عمر حیات، لٹن روڈ محمد عاصم، وحدت کالونی سے اسلم، سمن آبادسے ہمایوں، نواں کوٹ سے اکرم، ساندہ سے شاہد کی گاڑیاں جبکہ اقبال ٹاﺅن سے محمد علی، مصری شاہ سے حفیظ، ڈیفنس میں نوید، مغل پورہ میں عامر کی موٹر سائیکل چوری کرلیں گئیں۔ دریں اثناءفیروزوالا کے نامہ نگار کے مطابق لاہور روڈ پر تھانہ فیکٹری ایریا کے علاقے میں موٹر سائیکل سوار ڈاکوﺅں نے دن دہاڑے گن پوائنٹ پر کار سوار فیملی کو لوٹ لیا۔ شیخوپورہ کا رہائشی مختار احمد اپنی فیملی کے ہمراہ کار پر سوار ہو کر جا رہا تھا، ڈاکوﺅں نے کار روک کر 32 تولے زیورات، نقدی لوٹ کر لے گئے۔ ڈاکوﺅں نے زمیندار عبدالرشید سے ٹریکٹر اور رقم چھین لی۔ ڈاکو جواد اور وحید سے موٹر سائیکلیں چھین کر لے گئے۔ پولیس نے مقدمات درج کرلئے ہیں۔ مزید برآں گوجرانوالہ کے نمائندہ خصوصی کے مطابق تھانہ سیٹلائٹ کے گشت پر مامور موٹر سائیکل سوار اہلکاروں عبدالرﺅف اور اسلام نے بلاوالا چوک کے قریب مشکوک افراد کو چیکنگ کیلئے روکا، اس دوران ڈاکو اسلحہ کی نوک پر شیر جوانوں سے سرکاری رائفل چھین کر فرار ہوگئے۔ یاد رہے کہ چند روز قبل تھانہ ماڈل ٹاﺅن کے علاقہ میں دن دیہاڑے ڈاکوﺅں نے پولیس اہلکاروں سے اسلحہ چھینا تھا۔
ڈاکے