نیویارک (اے پی پی) اقوام متحدہ نے امریکہ پر زور دیا ہے کہ پولیس کے نظام میں بہتری لانے کی کوشش کرے۔ اقوام متحدہ کی کمیٹی نے امریکہ پر زور دیتے ہوئے کہا ہے کہ پولیس کی جانب سے مظالم اور طاقت کے ناروا استعمال کی کئی رپورٹس سامنے آرہی ہیں جن میں خصوصی طور پر اقلیتی گروہوں سے متعلق معاملات شامل ہیں۔ کمیٹی کا کہنا ہے کہ پولیس کی جانب سے فائرنگ یا سیاہ فام افراد کا پیچھا کئے جانے کے واقعات اکثر وبیشتر اور بار بار نظروں سے گزرے ہیں۔