اقوام متحدہ (اے پی پی) پاکستان نے رواں سال موسم گرما میں اسرائیلی جارحیت سے متاثرہ فلسطینیوں کی امداد کیلئے اقوام متحدہ کو ایک ملین ڈالر کی امداد عطیہ کی ہے۔ اقوام متحدہ میں پاکستان کے مستقل مندوب مسعود خان نے اس سلسلے میں اقوام متحدہ کے ورکس اینڈ ریلیف ایجنسی کے نمائندہ کو چیک پیش کر دیا۔ اس ضمن میں منعقدہ تقریب سے خطاب کرتے ہوئے مسعود خان نے فلسطینیوں کی امداد کے پاکستان کی حکومت اور عوام کے عزم کا اعادہ کیا۔