لاہور (نمائندہ سپورٹس) پاکستان ہاکی ٹیم نے چیمپئنز ٹرافی کے آغاز سے قبل پریکٹس میچ میں ارجنٹائن کو تین صفر سے شکست دے کر پول میچ سے قبل اپنے عزائم کا اظہار کر دیا ہے۔ پاکستان کی طرف سے دو گول پنلٹی کارنر پر جبکہ ایک فیلڈ گول ہوا۔ پنلٹی کارنر پر محمد عرفان نے دو اور ارسلان قادر نے فیلڈ گول کیا۔ کامیابی کے بعد چیف کوچ شہناز شیخ کا کہنا تھا کہ پول میچ سے قبل کامیابی سے کھلاڑیوں کے اعتماد میں اضافہ ہو گا اور وہ زیادہ جذبے کے ساتھ کھیلیں گے۔ انہوں نے کہا کہ گذشتہ ڈیڑھ سال سے پاکستانی ٹیم نے ایشیائی ٹیموں کے علاوہ کسی سے ہاکی نہیں کھیلی۔ اس لحاظ سے ارجنٹائن کے خلاف کامیابی خوش آئند ہے۔