لاہور+ اسلام آباد (نامہ نگار+ نوائے وقت رپورٹ) سی آئی اے پولیس نے تنظیم داعش کی وال چاکنگ، سٹیکر لگانے اور لٹریچر تقسیم کرنے میں ملوث مزید دو افرد کو گرفتار کرلیا ہے۔ پولیس نے گرفتار افراد سے لیپ ٹاپ اور لٹریچر برآمد کر کے انہیں نامعلوم مقام پر منتقل کرکے تفتیش شروع کردی ہے تاہم سی آئی اے پولیس نے ان گرفتاریوں کے حوالے سے لاعلمی کا اظہار کیا ہے۔ یاد رہے قانون نافذ کرنے والے ادارے قبل ازیں بھی تنظیم داعش کی وال چاکنگ کرنے اور سٹیکر لگانے میں ملوث چار افرد کو گرفتار کرچکے ہیں۔ علاوہ ازیں حساس اداروں نے جڑواں شہروں راولپنڈی اسلام آباد میں چھاپے مار کر داعش کا مبینہ کمانڈر گرفتار کرلیا۔ اسکے قبضے سے لیپ ٹاپ اور اسلحہ برآمد کیا گیا ہے۔