کراچی ائیرپورٹ پر دہشت گرد حملے میں زخمی ہونیوالا پولیس اہلکار 5 ماہ بعد زندگی کی بازی ہارگیا
کراچی (این این آئی)کراچی ائیرپورٹ پر دہشت گردوں کے حملے میں زخمی ہونے والا پولیس اہلکار لیاقت علی بدھ کی صبح زندگی کی بازی ہارگیا۔ زخمی لیاقت علی گزشتہ پانچ ماہ سے نجی ہسپتال میں زیر علاج تھا۔ مرحوم کی نماز جنازہ پولیس ہیڈکوارٹرگارڈن ویسٹ میں اداکی گئی، نمازجنازہ میں آئی جی سندھ غلام حیدر جمالی، ایڈیشنل آئی جی سندھ غلام قادر تھیبو سمیت پولیس کے اعلیٰ حکام اور مرحوم کے عزیزواقارب نے شرکت کی۔ بعدازاں میت تدفین کے لئے اسکے آبائی شہر خیر پور روانہ کردی گئی۔
