کراچی(کرائم رپورٹر) کراچی کے مختلف علاقوں میں پولیس کے ساتھ مقابلوں میں دو اجرتی قاتل اور ڈاکو مارے گئے ۔ دونوں اجرتی قاتل جن کی شناخت محمد اسحاق عرف شاہ رخ اور نسیم عرف بابر عرف عالم کی حیثیت سے ہوئی۔ منگھوپیر میں نادرن بائی پاس پر ہمدرد کٹ کے قریب پولیس مقابلے میں ہلاک ہوئے پولیس کے مطابق ملزمان اے این پی کے رہنما ڈاکٹر زرین سمیت بارہ افراد کی ٹارگٹ کلنگ میں ملوث تھے۔ قائد آباد پل کے نیچے بدھ کی دوپہر چار ڈاکو لوٹ مار کر رہے تھے کہ قریب واقع موبائل فون شاپ کے مالک زاہد حسین نے مزاحمت کرتے ہوئے اپنے پستول سے فائرنگ کی جس کے نتیجے میں دو ڈاکو مارے گئے۔ تاہم دیگر دو ڈاکوئوں نے جوابی فائرنگ کرکے دکاندر زاہد حسین کو بھی ہلاک کردیا۔