لاہور(سپورٹس رپورٹر+نمائندہ سپورٹس)  سپورٹس بورڈ پنجاب کے زیراہتمام معذوروں کے عالمی دن پر پنجاب سٹیڈیم میں معذور افراد کے درمیان کبڈی میچ کھیلا گیا جس میں فیصل آباد نے لاہور کو36-35سے شکست دیدی۔ ٹیموں میں شریک تمام کھلاڑی ڈس ایبل تھے، لاہور کی ٹیم کی قیادت قیصر اور فیصل آباد کی ٹیم کی قیادت محمد اصغر نے کی، دونوں ٹیموں نے شاندار کھیل کا مظاہرہ کیا جس سے میچ انتہائی سنسنی خیزرہا شائقین محظوظ ہوئے اورکھلاڑیوں کو بھرپور داد دی۔ فیصل آباد کے کھلاڑیوں نے خوبصورت پوائنٹس حاصل کئے، سنسنی خیز مقابلے کے بعد فیصل آباد نے لاہور کو 36-35سے شکست دیدی۔