باغ جناح میں تقریب سے حمزہ شہباز کی واپسی پر گو نواز گو کے نعرے لگانے والے طلباء پر سکیورٹی سٹاف کا تشدد، 2 کو پکڑ لیا
لاہور (خصوصی رپورٹر) باغ جناح میں حمزہ شہباز کی پھولوں کی نمائش کے افتتاح کی تقریب کے بعد واپسی پر چند طلباء نے ان کی گاڑی کے قریب آکر گو نواز گو کے نعرے لگائے جس پر ان لڑکوں کی حمزہ شہباز کے سکیورٹی سٹاف اور وہاں موجود پارٹی کارکنوں نے پٹائی کردی۔ حمزہ شہباز کے باغ جناح سے روانہ ہوجانے کے بعد بھی پٹائی کا عمل جاری رہا اور تین چار لڑکوں نے بھاگ کر اپنی جان بچائی۔ جبکہ دو لڑکوں لیہ کے رہائشی عارف عزیز قریشی اور فرحان انور کو پولیس اپنی گاڑی میں بٹھا کر لے گئی۔ پولیس نے بتایا کہ لڑکوں کو حفاظتی تحویل میں لیا گیا، ان کے خلاف کوئی مقدمہ درج نہیںکیا گیا۔
