حافظ آباد (نمائندہ نوائے وقت) حافظ آباد شہر میں پولیو سے بچائو کے قطرے پلانے سے انکار کرنے پر ایک نجی سکول کی رجسٹریشن منسوخ کرکے اسے سیل کردیا گیا۔ تفصیلات کے مطابق گرجا چوک میں واقع KIPS پبلک انگلش میڈیم سکول جہاں تین سو سے زائد طلبہ و طالبات زیر تعلیم تھے وہاں بچوں کو پولیو سے بچائو کے قطرے پلانے والی ٹیم نے پہنچ کر قطرے پلانے کی کوشش کی تو مبینہ طور پر سکول کی انتظامیہ نے قطرے پلانے نہ دیئے۔ جس پر ٹیم نے ڈی۔سی۔او محمد عثمان کو رپورٹ کی۔ تو ڈی۔سی۔او محمد عثمان نے مذکورہ سکول کی رجسٹریشن کو منسوخ کرتے ہوئے اسے سیل کرنے کا حکم دیا۔ پولیس کی نفری نے مذکورہ سکول کو سیل کردیا ہے۔