نوشہرہ (نوائے وقت رپورٹ) وزیراعلیٰ خیبر پی کے پرویز خٹک نے کہا ہے کہ چودھری نثار وزیراعظم کے بارے میں کیا رائے رکھتے ہیں، بتا دوں تو شرمندگی ہو گی۔ نجی ٹی وی سے گفتگو کرتے ہوئے انہوں نے کہا کہ چودھری نثار سے اگست سے پہلے ملاقات ہوئی تھی۔ چودھری نثار وزیراعظم کے بارے میں اچھی رائے نہیں رکھتے۔ نثار نے کہا تھا کہ لگتا نہیں نواز شریف حکومت کرنے آئے ہیں۔ چودھری نثار نے کہا کہ دھرنا جاری رکھیں، حکومت پر پریشر بنا رہے گا۔