کراچی جیل توڑنے کی کوشش میں ملوث دہشتگرد پنجاب سے گرفتار
کراچی (آئی این پی) کراچی میں سینٹرل جیل توڑنے کی کوشش کیس کی تحقیقات میں اہم پیش رفت، کالعدم تحریک طالبان پاکستان کے ایک اہم دہشتگرد کو گرفتار کر لیاگیا۔ ذرائع کے مطابق حساس اداروں کے اندرون سندھ اور پنجاب میں چھاپے جاری ۔ چھاپوں کے دوران کالعدم تحریک طالبان پاکستان کے ایک اہم دہشتگرد کو گرفتار کر لیا۔ ذرائع نے کہاہے کہ گرفتار دہشتگرد نے سینٹرل جیل توڑنے کے لیے 20 لاکھ روپے اپنے ساتھیوں کو فراہم کیے۔ گرفتار ملزم سے مزید تفتیش کی جاری ہے۔
