لاہور (سپورٹس ڈیسک) قائداعظم ٹرافی گولڈکپ کرکٹ ٹورنامنٹ میں اسلام آباد لیپرڈز‘ نیشنل بینک آف پاکستان‘ کراچی ڈولفنز نے میچ جیت لئے۔ اسلام آباد لیپرڈز نے ملتان ٹائیگرز کو 303 رنز سے شکست دی۔ نیشنل بینک آف پاکستان نے زرعی ترقیاتی بینک کو 9 وکٹوں سے ہرایا۔ کراچی ڈولفنز نے پشاور پینتھرز کو 10 وکٹوں سے زیر کیا۔ یونائیٹڈ بینک اور واپڈا‘ سوئی ناردرن گیس اور پورٹ قاسم اتھارٹی کے درمیان میچ ڈرا ہو گیا۔