لاہور(سپورٹس رپورٹر+نمائندہ سپورٹس) چیمپئنز ٹرافی ہاکی ٹورنامنٹ میں  لیگ مرحلے کے آخری میچ میں آسٹریلیا نے  پاکستان کو تین صفر سے مات دیدی۔ چیریمی ہاورڈ نے دو جبکہ جیکب ویٹن نے ایک گول سکور کیا۔  پاکستان ایک بھی گول نہ کرسکا۔ میچ کا اختتام آسٹریلیا کی پاکستان کیخلاف تین صفر کامیابی پر ہوا۔ پول اے میں انگلینڈ اور بیلجیئم کے درمیان مقابلہ ایک ایک گول سے برابر رہا۔ پول بی میں ارجنٹائن نے جرمنی کو تین صفر سے آؤٹ کلاس کر دیا۔ آخری میچ میں بھارت نے ہالینڈ کو 2 کے مقابلے میں 3 گول سے شکست دیدی 11 دسمبر کو کوارٹر فائنل میں پہلا میچ انگلینڈ اور جرمنی کی ٹیموں کے درمیان ہوگا۔ دوسرے کوارٹر فائنل میں ارجنٹینا اور آسٹریلیا کی ٹیمیں مد مقابل ہونگی۔ تیسرا کوارٹر فائنل میزبان بھارت اور بیلجیئم کے درمیان ہوگا جبکہ چوتھے کوارٹر فائنل میں پاکستان کا مقابلہ نیدر لینڈ سے ہوگا۔