واشنگٹن (این این آئی) امریکی تھنک ٹینک انٹیل سنٹر نے اپنی رپورٹ میں پاکستان کو دنیا کا آٹھواں خطرناک ترین ملک قرار دیدیا ہے۔ امریکی انٹیلی جنس اداروں کیلئے اعداد و شمار اکٹھا کرنے والے تھنک ٹینک انٹیل سنٹر نے دنیا کے خطرناک ترین ممالک کی فہرست جاری کی، کنٹری تھریٹ انڈیکس نامی اس فہرست کوکسی بھی ملک میں ہونے والی دہشت گردی اور اس میں انسانی جانوں کے ضیاع کو مدنظر رکھتے ہوئے مرتب کیا گیا۔ رپورٹ کے مطابق دنیا کا سب سے خطرناک ترین ممالک میں عراق سب سے آگے ہے جبکہ نائیجریا دوسرے، صومالیہ تیسرے اور افغانستان چوتھے نمبر پر ہے۔ کنٹری تھریٹ انڈیکس میں یمن کو پانچویں، شام کو چھٹے، لیبیا ساتویں، پاکستان آٹھویں، مصر نویں اور کینیا کو دنیا کا دسواں خطرناک ترین ملک قرار دیا گیا ہے۔