خیبر ایجنسی (نوائے وقت رپورٹ/ نیشن رپورٹ) پاک فوج کے مطابق خیبر ایجنسی میں نئی فضائی کارروائی کے دوران مزید 10 دہشتگرد ہلاک ہو گئے۔ ترجمان کے مطابق پاک فضائیہ کی طرف سے کارروائی منگل کی رات کی گئی تھی جبکہ بدھ کو بھی کارروائی کی گئی۔ ہلاک ہونے والے دہشتگردوں کا تعلق لشکر اسلام سے تھا۔ پاک فوج کے مطابق اب تک 1600 دہشت گرد مارے جا چکے ہیں جبکہ 126 جواں شہید ہوئے ہیں۔ واضح رہے کہ فوج نے جون سے شمالی وزیرستان میں دہشتگردوں کے خلاف آپریشن کا آغاز کر رکھا ہے۔ 2 روز میں مارے جانے والے دہشت گردوں کی تعداد 21 ہو گئی۔آئی ایس پی آرکے مطابق سکیورٹی فورسز کی کارروائی میں شدت پسندوں کے 8ٹھکانے بھی تباہ ہو گئے۔