بھونیشور (نوائے وقت رپورٹ) چیمپئنز ٹرافی کے فائنل کیلئے کوالیفائی کرنے والی پاکستانی ٹیم کی سکیورٹی میں غیر معمولی اضافہ کر دیا گیا۔ نجی ٹی وی نے ذرائع کے حوالے سے بتایا پاکستانی ہاکی ٹیم کے ہوٹل میں اضافی نفری تعینات کر دی گئی۔ ہوٹل انتظامیہ نے ہاکی کے پاکستانی کھلاڑیوں کے کمروں میں کال ٹرانسفر کرنے سے بھی انکار کر دیا، ٹیم انتظامیہ کا کہنا ہے کھلاڑی مطمئن ہیں اور اپنے کمروں میں سونے کیلئے چلے گئے ہیں۔ پاکستانی ٹیم آج اپنے شیڈول کے مطابق پریکٹس کرے گی اور فائنل کھیلے گی۔