پورٹ لینڈ میں نامعلوم حملہ آور کی فائرنگ سے 3 نوجوان زخمی
واشنگٹن (اے پی پی)امریکی ریاست اوریگان کے سب سے بڑے شہر پورٹ لینڈ میں ایک ہائی سکول کے باہر 3 نوجوانوں کو فائرنگ کر کے زخمی کر دیا گیا۔ ذرائع ابلاغ کے مطابق فائرنگ کا واقعہ روزمیری اینڈرسن ہائی سکول کے باہر پیش آیا۔
مقامی پولیس کے مطابق حملہ آور اپنے 2 ساتھیوں کے ہمراہ فائرنگ کر کے موقع سے فرار ہو گیا۔ زخمی ہونے والے 2 ٹین ایجر لڑکوں اور ایک لڑکی کو مقامی ہسپتال منتقل کر دیا گیا ہے۔
