کراچی (سٹاف رپورٹر) مہاجر قومی موومنٹ (پاکستان) کی جانب سے 15 روزہ عوامی رابطہ مہم کا آغاز کر دیا گیا، عوامی رابطہ مہم کے سلسلے میں پارٹی کے مرکزی قائدین اور کارکنان شہر بھر میں عوام سے رابطہ کرینگے اور چیئرمین آفاق احمد کا مہاجر عوام کے نام کھلا خط تقسیم کیا جائے گا۔ کراچی کی موجودہ صورتحال کے تناظر میں چیئرمین آفاق احمد کا کھلا خط بے حد اہمیت کا حامل اس لئے ہے کہ اس میں اہلیان کراچی کو درپیش مسائل اور ان کے حل کے حوالے سے مہاجر قومی موومنٹ کی کوششوں سے عوام کو آگاہ کیا جائیگا۔