کراچی: فائرنگ‘ ریٹائر ایف سی اہلکار قتل ،کالعدم تنظیم کے 9 کارندے‘ ایم کیو ایم کارکن گرفتار
کراچی (نیٹ نیوز + این این آئی) کراچی میں رینجرز نے فرنٹیئر کالونی میں گذشتہ روز ٹارگٹڈ آپریشن کر کے کالعدم تنظیم کے 9 دہشت گردوں کو گرفتار کر لیا۔ عباسی شہید ہسپتال کے قریب ایک کلینک پر رینجرز نے چھاپہ مار کر سیاسی جماعت کے رہنما ریحان اکرم کو ٹارگٹ کلنگ میں ملوث ہونے کے شبہ میں گرفتار کر لیا۔ فائرنگ سے ریٹائرڈ ایف سی اہلکار غالب حسین جاں بحق ہو گیا۔
