لاہور(سپورٹس رپورٹر) ورلڈ سینئر رینکنگ ٹینس ٹورنامنٹ لاہور میں شروع ہو گیا۔ افتتاحی روز میں محمد عارف، شہریار سلامت، عدنان مجید اور حسن سعید نے اپنے میچز جیت لئے۔ باغ جناح ٹینس کورٹ میں 35 سال سے زائد کھلاڑیوں کے درمیان کھیلے جانیوالے پہلے میچ میں محمد عارف نے طلحہ وحید کو 5-7اور1-6 سے شکست دی، دوسرے میچ میں شہریار سلامت نے سجاد رسول کو چھ ایک اور چھ ایک سے مات دی۔ تیسرے مقابلے میں عدنان مجید نے وحید محبوب کو چھ دو اور چھ ایک سے جبکہ چوتھے اور آخری میچ میں حسن سعید نے توقیر فیض کو چھ صفر اور چھ صفر سے شکست دی۔ بھارت کے پوان جین نے اپنے ہم وطن نریش کھتری شکست کھا گئے۔ 45 سال سے زائد عمر کے کھلاڑیوں کے درمیان کھیلے جانیوالے پہلے میچ میں رشید ملک نے اسرار گل کو چھ تین اور چھ صفر سے شکست دی۔ دوسرے میچ میں خرم امتیاز نے بھارتی کھلاڑی پرشاد ابتے کو چھ ایک اور چھ صفر سے شکست دی جبکہ تیسرے میچ میں محمد نواز نے اعجاز رسول کوچھ تین اور سات چھ جبکہ چوتھے میچ میں عمران صدیقی نے عمر ایاز کو چھ دو اور چھ دو سے ہرایا۔