ہربنس پورہ: کوڑے کے ڈھیر میں دھماکہ 2 بچے زخمی
لاہور (نامہ نگار) ہربنس پور کے علاقہ میں خالی پلاٹ میں کوڑے کے ڈھیر پر پراسرار طور پر زوردار دھماکہ ہوگیا جس کے باعث دو بچے شدید زخمی ہو گئے۔ بتایا جاتا ہے کہ ہربنس پورہ کے علاقہ لطیف بلاک میں واقع خالی پلاٹ میں کوڑے کے ڈھیر جہاں زیادہ مقدار میںچونا بھی پڑا ہوا تھا، وہاں بچوں نے سردی سے بچنے کے لئے کوڑے میں آگ جلائی تو اس دوران پراسرار طور پر زوردار دھماکہ ہو گیا۔ پولیس اور بم ڈسپوزل سکواڈ نے اطلاع ملنے کے فوری بعد موقع پر پہنچ کر علاقہ کو کلیئر قرار دے دیا جبکہ ریسکیو 1122 کے عملہ نے دھماکے میں زخمی ہونے والے دونوں بچوں کو طبی امداد کے لئے ہسپتال منتقل کر دیا ہے۔
