لاہور (خصوصی رپورٹر) بابائے قوم حضرت قائداعظم محمد علی جناح کے 138ویں یومِ ولادت کے موقع پر خصوصی تقریب کل جمعرات 25دسمبر کو ساڑھے دس بجے صبح ایوانِ کارکنانِ تحریک پاکستان لاہور میں منعقد ہو گی۔ کارکنانِ تحریک پاکستان مہمانانِ خاص ہونگے۔ صدارت تحریک پاکستان کے ممتاز کارکن نظریۂ پاکستان ٹرسٹ کے چیئرمین محمد رفیق تارڑ کریں گے۔ سالگرہ کی مناسبت سے کیک بھی کاٹا جائے گا۔ نشست کا اہتمام نظریۂ پاکستان ٹرسٹ نے تحریک پاکستان ورکرز ٹرسٹ کے اشتراک سے کیا ہے۔