کراچی (اے ایف پی) قومی ٹیم کے سپنر یاسر شاہ نے کہا ہے کہ ورلڈکپ میں موقع ملا تو اچھا کھیل پیش کروں گا۔ شین وارن کو کاپی کرتا ہوں‘ آسٹریلیا اور نیوزی لینڈ میں کامیاب رہا تو مستقبل پر اچھا اثر پڑے گا۔ گگلی پر محنت کر رہا ہوں تاکہ ورلڈکپ میں موقع ملے تو اچھا استعمال کر سکوں۔ آسٹریلیا میں ایکسٹرا باؤنس ہوتا ہے جس سے مجھے کافی مدد ملے گی۔ آسٹریلیا میں سب سے پہلا کام شین وارن کے ساتھ نیٹ پریکٹس ہو گی۔ مجھے پتہ چلا ہے کہ وہ مجھے باؤلنگ کرتے دیکھ کر ٹپس دینا چاہتے ہیں۔