کوئٹہ (نوائے وقت نیوز)کوئٹہ سمیت بلوچستان بھر میں بلدیاتی انتخابات کے تیسرے مر حلہ کیلئے حتمی فہرست جاری کر دی گئی۔ پولنگ 31دسمبر کو ہوگی۔ الیکشن کمشن ذرائع کے مطابق کوئٹہ سمیت صوبے بھر میں بلدیاتی انتخابا ت کے تیسرے مرحلہ کیلئے کسان اور ورکر ز کی نشستوں پر انتخابات کیلئے امیدواروں کی حتمی فہرست جاری کر دی گئی ہے۔ 1486نشستو ں کیلئے مجموعی طور پر 768امیدوار کسان کی 378اور ورکرز کی 390نشستوں پر بلامقابلہ منتخب ہوچکے ہیں ، 613نشستوں کیلئے 1482امیدوار میدان میں رہ گئے ہیں۔ کوئٹہ کی کسان اور ورکر کی 20 مخصوص نشستوں کیلئے 68 امیدوار وں کی فہرست ہے۔ بلدیاتی انتخابات کے تیسرے مرحلہ کیلئے پولنگ 31دسمبر کو ہوگی۔