شیخوپورہ + فاروق آباد (نامہ نگار خصوصی+ نامہ نگار) غلط کراسنگ کرتے ہوئے موٹر سائیکل سوار چچا بھتیجا نان سٹاپ ٹرین کی زد میں آکر جاں بحق ہوگئے۔ نواحی گائوں مدار کے رہائشی عبدالغفور اپنے بھتیجے منشاء کے ہمراہ گائوں واپس جا رہا تھا چونگی پھاٹک ٹرین کے آنے کی وجہ سے بند تھا۔ انہوں نے انتظار کی بجائے سائیڈ سے موٹرسائیکل گزارنے کی کوشش کی تو لاہور سے فیصل آباد جانیوالی 14 ڈائون غوری ایکسپریس کی زد میںآگئے جس سے چچا کے جسم کے دو ٹکڑے ہوگئے جبکہ بھتیجا سائیڈ لگنے سے جاں بحق ہوگیا۔