نیویارک (اے ایف پی+این این آئی) امریکہ کی ریاست لوزیانا کے شاپنگ مال میں ایک شخص کی فائرنگ سے نوجوان ہلاک ہوگیا۔ واقعہ اس وقت پیش آیا جب گریٹنا شہر کے مقامی شاپنگ سینٹر میں لوگ کرسمس کی تیاریوں میں مصروف تھے۔ اچانک کاؤنٹر پر کھڑے 24 سالہ جیمز پر ایک شخص نے فائرنگ کر دی جس سے نوجوان موقع پر ہی دم توڑ گیا۔ فائرنگ سے مال میں افراتفری پھیل گئی اور شاپنگ مال کو فوری خالی کرو الیا گیا۔ پولیس نے فائرنگ کرنے والے شخص کو گرفتار کر لیا ہے۔ دوسری جانب میسوری میں پولیس کے ہاتھوں ایک اور سیاہ فام کی ہلاکت کے خلاف مظاہروں کا سلسلہ جاری ہے۔ کئی علاقوں میں لوگوں نے احتجاج کیا اور واقعہ کی تحقیقات کا مطالبہ کیا۔