لاہور/ شیخوپورہ (کلچرل رپورٹر+ خصوصی رپورٹر+ نامہ نگار خصوصی) معروف فلمساز، ہدایت کار اسلم ڈار کو نماز جنازہ کی ادائیگی کے بعد مقامی قبرستان میں سپردخاک کر دیا گیا۔ نماز جنازہ میں اداکار حبیب، ریمبو، عجب گل، ہدایتکار یونس ملک، پرویز رانا، حسن عسکری، سہیل بٹ سمیت فلم انڈسٹری اور ان کے چاہنے والے سینکڑوں مداحوں نے شرکت کی۔ مرحوم کی رسم قل آج بعد از نماز جمعہ علی مسجد علی بلاک بحریہ ٹاؤن لاہور میں ادا کی جائے گی۔ علاوہ ازیں وزیراعلیٰ شہباز شریف نے ہدایتکار اسلم ڈار کے انتقال پر گہرے دکھ اور افسوس کا اظہار کرتے ہوئے اپنے تعزیتی پیغام میں سوگوار خاندان سے ہمدردی اور تعزیت کا اظہار کیا ہے۔ تحریک انصاف نظریاتی کے چیئرمین اختر اقبال ڈار نے بھی ہدایت کار اسلم ڈار کی وفات پر گہرے دکھ اور رنج کا اظہار کیا ہے۔