لاہور +  گوجرانوالہ +  فیروزوالا (سٹاف رپورٹر +  نمائندہ خصوصی + نامہ نگار)  صوبائی دارالحکومت میں شہریوں سے لاکھوں کا مال  لوٹ لیا گیا۔ فیروزوالا میں ڈاکوئوں نے  مزاحمت پر  نوجوان کو زخمی کر دیا جبکہ گوجرانوالہ میں ڈاکوئوں  نے ایک پرائز بانڈ ڈیلر سے 46 لاکھ روپے مالیت کے پرائز بانڈ لوٹ لئے۔ تفصیلات کے مطابق ڈیفنس اے ڈبلیو بلاک میں معظم کے گھر سے ڈاکوئوں نے اہل خانہ کو یرغمال بنا کر 4 لاکھ 10 ہزار اور اقبال ٹائون الحمد کالونی میں رمضان کے گھر سے 3 لاکھ 50ہزار کی نقدی وزیورات، نشتر کالونی سپر مارکیٹ میں نیاز سٹور سے 1 لاکھ 20ہزار، شاہدرہ میں کرامت ہارڈ وئیر کی دکان سے سوا لاکھ،گلبرگ کے علاقہ میں قیصر کی دکان سے سوا لاکھ،شفیق آباد گنجیاں دی گھاٹی کے قریب زاہد کی دکان سے 90 ہزار، اسلام پورہ ٹی این ٹی کوارٹرز کے سامنے مصطفی  سے1 لاکھ 40 ہزار روپے کی نقدی و موبائل ، اقبال ٹائون سکیم موڑ پر قربان سے 1 لاکھ روپے، نواب ٹائون میں نیاز سے 1لاکھ 50 ہزار کی نقدی و موبائل ، اسلام پورہ  میں نوید سے 1لاکھ 20 ہزار روپے ، فیکٹری ایریا میں علی سے 60 ہزار کی نقدی  اور  موٹر سائیکل ،جنوبی چھائونی میں عدنان سے 30 ہزار روپے  ،مغل پورہ میں ہاشم سے 23 ہزار، نواب ٹائون میں امجد سے 75ہزار، ستو کتلہ میں عدنان اور اس کی فیملی سے 30 ہزار روپے ، نشتر کالونی میں عابد سے 80 ہزار، غالب مارکیٹ میں انجم سے 85 ہزار روپے لوٹ لئے۔ ریس کورس میں فرح ، اقبال ٹائون میں بلا ل، ستو کتلہ میں امجد، مصطفی ٹائون میں عاشر کی گاڑیاں جبکہ گجر پورہ میں ندیم، شاہدرہ میں نعیم ، شاد باغ میں قاسم ، مصری شاہ میں سرفراز، فیکٹری ایریا میں یوسف ،جنوبی چھائونی میںعمران ، ڈیفنس بی میں وقاص ،باغبانپورہ میں وسیم ،پرانی انارکلی میںاشرف اور کوٹ لکھپت میں شہباز کی موٹر سائیکلیں چوری کر لی گئیں۔ ادھر گوجرانوالہ  میں پرائز بانڈ کا ڈیلر سعد محبوب چشمہ والہ چوک میں واقع اپنی دکان بند کرنے کے بعد ملازم ندیم کے ہمراہ موٹر سائیکل پر سوار ہو کر جا رہے تھا کہ گلی مائی لٹو والی میں پیچھے سے آنے والے چا ر ڈاکوئوں نے انہیں زبر دستی روک لیا اور ان سے  46 لاکھ روپے مالیت کے پرائز بانڈ ، چار لاکھ روپے نقدی، لائسنسی پسٹل اور ضروری دستاویزات چھین کر فرار ہو گئے۔ پولیس مصروف تفتیش ہے۔ مریدکے، کالا خطائی روڈ اور جی ٹی رویڈ پر واقع علاقے  میں ڈکیتی  اور  راہزنی  کی متعدد وارداتوں میں شہری لاکھوں روپے مالیت  سے محروم ہو گئے۔ ڈاکوئوں نے مزاحمت پر گولی مار  کرنوجوان کو زخمی کر دیا۔  ڈاکوئوں نے بیکری میں  گھس کر گن پوائنٹ پر  دکاندار  اور گاہکوں  سے  ہزاروں روپے کی رقم موبائل چھین کر لے گئے۔  ٹبہ سوجا کے قریب  ارشد جٹ سے ایک لاکھ 50  ہزار کی نقدی چھین لی گئی۔  جی ٹی روڈ کی آبادی منویں آباد  میں  نامعلوم افراد نے موبائل چھیننے کی واردات میں مزاحمت پر گولی مار کر نوجوان کو زحمی کر دیا اور موبائل فون چھین لیا۔  شرقپور  کے قریب ڈاکوئوں نے شبیر احمد سے  موٹر سائیکل،  موبائل چھین لئے۔  لاہور روڈ  پر ڈاکوئوں نے ناکہ لگا کر متعدد  راہگیروں  کو روک کر لوٹ لیا۔