لاڑکانہ: دستی بم حملے میں رینجرز اہلکار زخمی
لاڑکانہ (نوائے وقت رپورٹ) لاڑکانہ میں دستی بم کے حملے میں رینجرز کا لانس نائیک زخمی ہوگیا۔ رینجرز ذرائع کے مطابق نامعلوم افراد نے رحمت پور میں ڈگری کالج کے ہاسٹل پر دستی بم کا حملہ کیا اور فرار ہوگئے۔ دستی بم کے حملے میں رینجرز کا لانس نائیک زخمی ہوگیا۔ دستی بم ہاسٹل میں رینجرز کے بیرکس پر پھینکا گیا تھا۔ رینجرز نے علاقے کو سیل کرکے سرچ آپریشن شروع کردیا۔
