بیروت (اے ایف پی) شام میں جھڑپوں اور بمباری میں داعش کے 30 جنگجوﺅں سمیت 42 افراد ہلاک اور بیسیوں زخمی ہو گئے۔ سیرئین آبزرویٹری کے ترجمان نے بتایا کرد فوجیوں نے صوبہ ہیساکی کے گاﺅں قیسیاب کا کنٹرول سنبھالنے کے لئے کارروائی کی تو شدید لڑائی شروع ہو گی۔ (کردش پیپلز پارٹی پروٹیکشن یونٹی) وائی پی جی کے کئی اہلکار بھی مارے گئے۔ کرد اہلکاروں نے علاقے پر دوبارہ قبضہ کر لیا ہے۔ دریں اثناءصوبہ حلب میں بھی شامی طیاروں نے داعش کے زیرکنٹرول علاقوں الباب اور قبسین پر بمباری کی جس کے سبب 12 افراد ہلاک ہو گئے۔ ایک رپورٹ کے مطابق 4سالہ خانہ جنگی میں تقریباً 2 لاکھ افراد ہلاک اور نصف آبادی نقل مکانی کر چکی ہے۔