سوات اور گردونواح میں زلزلے کے شدید جھٹکے، لوگ گھروں سے باہر نکل آئے
سوات (آن لائن) سوات اور گردونواح میں زلزلے کے شدید جھٹکے محسوس کئے گئے‘ زلزلے کی شدت 4.9 ریکارڈ کی گئی۔ زلزلہ پیما مرکز کے مطابق زلزلے کا مرکز افغانستان اور تاجکستان کا سرحدی علاقہ تھا۔ زلزلے کی گہرائی دس کلومیٹر تھی جبکہ زلزلے کی شدت ریکٹر سکیل پر 4.9 ریکارڈ کی گئی۔ زلزلے کے باعث لوگ خوف و ہراس کے مارے کلمہ طیبہ کا ورد کرتے ہوئے گھروں سے باہر نکل آئے تاہم خوش قسمتی سے کسی بھی جانی و مالی نقصان کی کوئی اطلاع موصول نہیں ہوئی۔
زلزلہ
