بوریوالا+ گگو منڈی (نامہ نگاران) پولٹری فارموں پر جنریٹر کے دھویں اور کوئلوں کی گیس سے دم گھنٹے سے تین افراد جاں بحق ہو گئے۔ تفصیلات کے مطابق نواحی گائوں367ای بی میں واقع نذیر احمد نامی شخص کے پولٹری فارم پر اُسکے دو ملازم محمد رمضان سکنہ367 ای بی اور منیر احمد سکنہ 189ای بی رات کے وقت جنریٹر چلا کر کمرے میں سو گئے رات کو جنریٹر کا زہریلا دھواں کمرے میں بھر گیا جس سے دونوں دم گھٹنے سے جاں بحق ہو گئے۔ دوسرے واقعہ میں نواحی گائوں497ای بی میں واقع چودھری محمد طارق کے پولٹری کنٹرول شیڈ پر اُسکا ملازم خانیوال کا رہائشی غریب محنت کش محمد احمد سردی کی وجہ سے رات کو کمرے میں انگیٹھی پر کوئلے جلا کر سو گیا کوئلے کی زہریلی گیس کی وجہ سے وہ دم گھٹنے پر جاں بحق ہو گیا۔