لاہور(سپورٹس رپورٹر) پاکستان کے دراز قد فاسٹ باولر ایم عرفان کا کہنا ہے کہ آسٹریلیا میں منعقد ہونے والے عالمی کپ ٹورنامنٹ کا بہترین باولر بننے کا ہدف ہے۔ پہلی مرتبہ آسٹریلیا اور نیوزی لینڈ میں کھیلوں گا جس کے لیے پوری طرح ذہنی طور پر تیار ہوں۔ لاہور میں میڈیا سے گفتگو کرتے ہوئے ان کا کہنا تھا کہ پاکستان ٹیم میگا ایونٹ کی تیاریوں میں مصروف ہے اچھے نتائج قوم کے نام کرنے کی کوشش کرینگے۔