نواب شاہ (صباح نیوز)  سابق  صدر پیپلز پارٹی کے شریک چیئرمین آصف زرداری کو نواب شاہ میں زرداری قبیلے  کے سردار کی حیثیت سے منتخب کر لیا گیا۔  آصف  زرداری   کو قبیلے کا سردار بنایا  گیا ہے اس حوالے سے  زرداری ہائوس نواب شاہ  میں ایک پروقار  تقریب منعقد ہوئی جس  میں زرداری قبیلے کے معززین اور قبائلی  عمائدین  نے شرکت کی جنہوں نے آصف علی زرداری کی دستاربندی  کی۔  تقریب سے خطاب کرتے ہوئے آصف  زرداری نے کہا کہ زرداری  قبیلہ اپنے اتحاد کو قائم رکھے تاکہ دشمن ان کی طرف میلی  آنکھ سے نہ دیکھ سکے اور اپنی برادری  کے خواتین اور بچوں کو تعلیم کے زیور سے آراستہ  کیا جائے تاکہ مستقبل  کے چیلنجز  سے نمٹا جا سکے۔