کویت سٹی(عبدالشکورابی حسن سے) کویت میں جشن میلادمصطفی ﷺ کے سلسلہ میں مخافل کا سلسلہ جمعہ المبارک اورنئے سال 2015ء کی پہلی محفل نعت رسول اللہ ﷺ سے شروع ہورہاہے پہلی محفل پاکستان قرات ونعت کونسل کے زیر اہتمام جلیب الشیوخ کے پاکستانی سکول میں یکم جنوری کو ہوگئی جبکہ دوسری محفل خواتین کی  2جنوری ہفتہ اسی مقام پر ہوگئی ۔تیسری محفل نعت 8جنوری بروز جمعرات کو ہوگئی جس میں ممتاز علم دین اور بین الاقوامی شہرت یافتہ پاکستانی نعت خواں دوردوسلام پیش کریں گے ۔ مذہبی امور کے وزیرسردارمحمد یوسف اور سفیر پاکستان محمد اسلم خان شرکت کریں گے۔ مولانا خلیل رضوی اور نعت خواں اسداقبال ،احسان ہمدانی قاری عبدالوحید شرکت کرینگے جبکہ سٹیج سیکرٹری حکیم طارق محمود صدیقی ہوں گے۔پاکستان نیشنل آرگنائزنشن کویت کے زیراہتمام گرینڈ محفل نعت 16جنوری کو ہوگئی ۔ قاری شاہد محمود،صاحبزادہ نورسلطان قادری ،سید زہیب مسعود شاہ اور خالد حسنین گلدستہ ہدیہ پیش کریں گے جس میں مہمان خصوصی سفیر محمد اسلم ہوں گے جبکہ اس محفل کے سٹیج سیکرٹری اینکر صاحبزادہ تسلیم احمد صابری ہوں گے ۔