ننکانہ صاحب (نامہ نگار)ننکانہ امرتسر دوستی بس سروس جمعہ کے روز ننکانہ صاحب نہ پہنچ سکی۔ تفصیلات کے مطابق پاکستان اور بھارت کے مابین چلائی جانے والی ننکانہ امرتسر دوستی بس سروس ہر جمعہ کے روز امرتسر(بھارت) سے گورودوارہ جنم استھان ننکانہ صاحب اور ہر ہفتہ کے روز گورودوارہ جنم استھان ننکانہ صاحب سے امرتسر(بھارت) کا سفر کرتی ہے مذکورہ دوستی بس ہر جمعہ کودوپہر 2بجے تک ننکانہ صاحب آتی ہے مگر شام 6بجے تک ننکانہ صاحب نہ پہنچ سکی اس سلسلہ میں کسی بھی سرکاری ادارے کی طرف سے دوستی بس سروس کے ننکانہ صاحب نہ آنے کے متعلق کوئی معلومات نہ تھی ۔