ڈیرہ مراد جمالی (آئی این پی) ڈیرہ مراد جمالی کے قریب ایف سی کی مجاہد چیک پوسٹ کے قریب بم دھماکہ، کوئی جانی نقصان نہیں ہوا ، تخریب کار گیس پائپ لائن کو نشانہ بنانا چاہتے تھے۔ ڈیرہ مراد جمالی کے علاقے ربیع میں نامعلوم افراد نے ایف سی کی چیک پوسٹ کے قریب اوچ گیس فیلڈ سے اوچ پاور پلانٹ کو گیس فراہم کرنے والے گیس پائپ لائن کو نشانہ بنایا ، گیس پائپ لائن زیادہ گہرائی میں ہونے کے باعث کوئی نقصان نہیں ہوا۔ پولیس کے مطابق دھماکہ صبح سویرے کیا گیا، پولیس اورایف سی نے علاقے کی ناکہ بندی کر کے ملزمان کی تلاش شروع کر دی۔