کاہنہ (نامہ نگار)کاہنہ میں تیر رفتار مسافر ویگن کی 2 موٹر سائیکلوں کو ٹکر سے 3 افراد جاں بحق ہو گئے جبکہ 2 زخمی ہو گئے۔ تیز رفتار مسافر وین جو چونگی امرسدھو سے رائیونڈ کی طرف جارہی تھی کاچھا پھاٹک کے قریب تیز رفتار ہونے سے ڈرائیور سے بے قابو ہو گئی اور مخالف سمت سے آنے والے دو موٹرسائیکل سواروں سے جا ٹکرائی۔ موٹر سائیکل سوار ندیم، عرفان گاﺅں وڑئچ کے موقع پر ہی جاںبحق ہو گئے اور تین زخمی ہوگئے۔ زخمیوں کو جنرل ہسپتال منتقل کر دیا گیا جن میں سے ایک عظم طارق جو کے ساہیوال کا رہائشی تھا اور یہاں اپنے رشتے داروں کو شادی کے کارڈ دینے کے لئے آیا ہوا تھا وہ زخموں کی تاب نہ لاتے راستے میں ہی دم توڑ گیا۔ ڈرائیور موقع سے فرار ہو گیا۔ پولیس نے گاڑی کو قبضہ میں لے کر مقدمہ درج کر لیا۔
حادثہ/ جاں بحق