ؒٓلاہور+سیالکوٹ(سپورٹس رپورٹر+نمائندہ سپورٹس+نامہ نگار)61ویں نیشنل ہاکی چیمپئن شپ میں نیشنل بنک اور واپڈا نے کواٹر کے میچ جیت کر سیمی فائنل میں پہنچ گیا۔ بدھ کے روز دو کواٹر فائنل کے میچ کھیلے گئے۔ پہلا میچ نیشنل بنک آف پاکستان اور پاکستان نیوی کے درمیان کھیلا جانے والے میچ نیشنل بنک نے ایک کے مقابلہ میں دو گول سے جیتکر سیمی فائنل میں جگہ حاصل کر لی۔ نیشنل بنک کی طرف سے توفیق اور کاشف نے پنلٹی سٹروکس کے ذریعے ایک ایک گول کیا جبکہ پاکستان نیوی کی طرف سے اختر علی پنلٹی سٹروک کے ذریعے گول کیا۔ دورے کواٹر فائنل میں واپڈا نے ہائر ایجوکیشن کمشن کو سات ایک سے ہرا کر سیمی فائنل کیلئے کوالیفائی کر لیا۔ واپڈا کی طرف سے ایم علیم نے دوسرے، پانچویں، 39ویں اور ترپنویں منٹ میں پنلٹی سٹروکس کے ذریعے چار گول کئے جبکہ عمران خان نے دو فیلڈ گول اور تصور نے ایک فیلڈ گول کیا جبکہ ایچ ای سی کے عاشر علی نے ایک گول کیا۔ آج جمعرات کے روز پاکستان انٹرنیشنل ائرلائن کا مقابلہ سوئی گیس سے جبکہ پاکستان آرمی اور پنجاب کے درمیان کواٹر فائنل ہونگے۔